Salem ek cha-majdur
Rongia bagan ka rehene wala Salem ek cha-majdur bachpan se hi bagan me patta tod ke din majduri karke ghor ko chala rahe the , Salem ki ghor me apne mata-pita aur uski ek bahan thi. Salem baag me kam karke bahan ko school me padati thi. Salem roj baag me 7 baje ghor se patta todne nikal jate, baag ki chidiya ka surli aawaj, mithi hawa ke bich me wo kaam karte the aur khus rahete the. Salem baag me karte bakht aur ek naya jindegi gujarne ke bare me sochte the aise hi baag me kam karte rahen to mera bahut sare sapna he ushe mai kaise pura kar pauonga. Ek tarf se me to pada likha nahi hun shrif angutha chaap ke alawa aur mujhe to kuch likhna bhi nahi aata, baag me kaam karke jo tankhuwa milta he ushe gujara nahi ho pata.
Isliye kuch alag hi karna padega, din to akho ke aage se nikal ja raha he. Mera 30 saal gujar gaya he agar mai abhi se kuch naya kar nahi paonga to mujhe narak me jana padega. Dusri taraf Pitaji ki bimar me bahut paisa kharcha ho gaya aur dhar bhi , yea sob baaten soch ne se rat ko sote samoy nind nahi aati he , karja ko khatam karne ke liye baag me kaam karne se nahi hoga aur to bahan bhi badi ho gaye he ushe bhi sadi karwana he.
Anpad hun jab nokri ke bare me soch ke kya faida. Tabhi to business karana padega lekin business karne ke liye thora to capital haath me chahiye na, wo kahan se milega, aise to problem ke time me koye bhi saath nahi deta kyun ki pita ke bimar ke bakht sobhi koye mu mor gaya. Aaj ki samoy me paisa nahi he to kuch bhi nahi, jaisa ki machli ko pani chahiye, paisha nahi hone se jibon ka gujara nahi ho payega. Acha khane ke liye, acha pahane ke liye, acha ghor banane ke liye, bimar hoto kharcha uthane ke liye, jibon me romance karne ke liye, shrif paisa ki jarurat hota he baki kuch nahi.
Kabhi-kabhi aisa lagta he paisa he to jindegi he kyunki paisa se hi jibon ka gujara hota he. Tabhi maine socha ki kahi sunsaan jagah pe chala jaon aur is problem ke bich se kaise chutkra paon. Agala din sunday he to mai sabere hi 4 baje bistar se uthke baag ki aur ghumne nikal pada aur charo aur dekha ki ekdam santh he sabkuch thandi hawa mere sarir pe lag raha he aur uppar se barish ka pani mere sarir ko bhigo raha he aur mera maan ekdam se patla aur santh ho gaya. Aise lagne laga ki mere jibon me kuch problem, karja kuch bhi nahi he,kisi bhi prakar ki dukh-dard kuch bhi nahi he. Mera jibon ek sadharan sa jibon he aur mai chinta me pad gaya tha aur abhi mai ek aisa najajra pake bahut hi khush mehesus kar raha hun.
Salem 2 ghanta tak prakriti ke bich me raha aur ghor bapas lot te samoy ek biklang aadmi se vet hua. Biklang aadmi ka naam tha Aajnur Hussain , uska paon dothu nahi tha, kath ka chota sa gari me wo bethe the aur haath se wo gari chalate yani safar karte, Salem ko aadmi ne dekha aur halke se muskuraya aur kaha Good morning Sir, tabhi Salem ne apna sar ko hilaya aur soch me pad gaya uska dono paon nahi firbhi hotho pe hasin yea baat sochte hi Aajnur ne Salem se kaha.....
Sir kya soch rahe ho Salem:- "aap itna khus he kya aapki jibon me koye dukh nahi he kya." Aajnur - "Jo ghatna mere jibon me ghat gaya use yaad karke mujhe kya laav aur us bare me soch ne se mujhe to dukh hoga na isliyea jo chij mere pass nahi he uske bare nahi soch ke jo chij filhaal me mere pass he ushi ko leke mai bahut khus reheta hun. Agra jibon me problem aaye to ushe sambhlna thumahre haat me he naki dusoro ke haath me , jindegi jine ka ek asul he ki sada muskurate raho kyun ki haste rehena hi jibon he."
Aajnur Hussain ki baaten sunkar Salem ki maan me sahas bad gaya aur bolne laga to fir kyun mai problem me bandha rahun mera to aakh, kaan, muh, haat-paon sab kuch thik he,Salen bato sochte sochte ghor ko aa gaye aur apne aap ko puch ne laga mera andar me aisa kya gun he jo mujhe aaj tak pata nahi chala aur baad me pata chala ki mai apne aap ko janne ki kosis kavi nahi kiya, mai hamesa problem ki bare me soch ta raha aur mujhe problem dikha di, samadhan ke bare mai to ek minit bhi socha nahi tha.
Uske baad salem ne baag duty chor ke ek graje me kaam suru kiya do saal baad wo apne hi kuch paiso se khud ka graje khul ladka ek ko kaam me lagake develop ki or badne laga . Aaj Rongiya baagan mai byke gari banane ke liye log aate to Engine ko start karke ki hi pata laga te ki kharab kahan he, abhi Salem ek expart mekanik ho gaya Rongiya bagan me Salem ka naam kone kone mai gunj raha he. Aur bahan ko BA pass karne ke baad ushe nurse ki training me di aur farmacy khul diya aur kom kharcha me ilaj karne ka kaam suru kar diya. Baad mai sobka karja bhi chuka kar diya ab koye bojh nahi he karje ka.
Salem apni jindegi ki bare me kaha...
"Ek kaam se agar ghor nahi chalta to dusra kaam dhun na chahiye, us kaam se bhi jibon gujarne me dikkat ho to fir alag disa chun lena chahiye jaise nadi apna disa khud badalta reheta he."
Comments
Post a Comment